انا ماهر.. من مواليد 1411915 يوم الأحد الساعة 9:10 صباحا ماهرانسان إنطوائي و منفتح..وشوية اجتماعي.. مزاجي نادراً(ويقولوا دائما مزاجي عموما) ماهر عااطفي وحساااس..جدا لللأسف ــــــــــــــــــــــــــــــــــــــــــــــــــــــــــــــ معظم وقتو حزين..بس يضحك كثير ويمزح كمان. كمان رسمي شويتين(يقولو نادراً ما أكون غير رسمي). ــــــــــــــــــــــــــــــــــــــــــــــــــــــــــــــــــــــــ ماهر يحب الدقه و التفصيل في الكلام و الوصف. ويفكر كثييير... لمن يسكت تحسو ما يعرف يتكلم ولمن يتكلم يكون ثرثاار. ـــــــــــــــــــــــــــــــــــــــــــــــــــــــــــــ ماهر من صغرو مع نفسو..يعني وحداني نوعاً ما. ماهر يواجه صعوبه في التواصل مع الآخرين بس لمن يلاقي انسان كويس يعاملو بشكل كويس. ماهر عندو شووية وفاء ويتوقع من الآخرين وفاء. ـــــــــــــــــــــــــــــــــــــــــــــــــــــــــــــــــــــــــــــ طبعاً ماهر كثيير أخطاء.. وإنسااان طييب ويبعث الإطمئناان حتى ملامح وشو بريئة..(هههه مرة واثق من نفسي). كمان ماهر جاد في معظم الوقت فما يعرف يضّحك الناس بس يعرف يضّحك نفسو..(مختل عقلياً) صاادق و تحس بصدقو وترتاح له. ــــــــــــــــــــــــــــــــــــــــــــــــــــــــــــــــــــ ماهر للأسف يكذب على حسب الظروف يعني لمن يحتاج ويكون ظروري يكذب يضطر يكذب ...والمصيبة كل ما يكذب ينكفش.. (حبل الكذب قصيير) ــــــــــــــــــــــــــــــــــــــــــــــــــــــــــــــــــــــ هادي الصفات الطيبه وجانب واحد من ماهر.. الجانب الآخر موجود أيضاً { خد/ي نفس عميق و كمل/ي تحت} ـــــــــــــــــــــــــــــــــــــــــــــــــــــــــــــــــــــــ محتال وقت الحاجة أو وقت الرغبة...أحياناً أحتال للمتعة فقط.. شوية أنااني وكدة تحسني شرير..لكني والله طيب.(حتى اسألو عيال الجيران). ـــــــــــــــــــــــــــــــــــــــــــــــــــــــــــــــ أحب أتكلم في الأشياء إلي ما أعرفها وتحسني ملقوووف لكني في الأصل فضولي للإهتمام و المعرفة. أكررره الروتين بشده وكل يوم أعيش الروتين(كدة هادا نصيبي من الحظوظ *_*) ( آآآخ يا قهري بس) أحب الإستكشافات ومغامر بعقل يعني المخاطرات و الجنون لها حدود ـــــــــــــــــــــــــــــــــــــــــــــــــــــــــــــــــــــــــــــ أحب أسوي شي محد سواه من قبل. ليا قوانيني و أفكاري وقناعاتي الخاصة أحب دائما و أبداً الناس إلي أحسن مني أو إلي من نفس طبقتي وأحسن. و إلي أسوء مني برغبة و إختيار أصنع أسباب البعد عنو أو أكون مضطر أجاريه لأن القدر حطنا كدة للأسف. ـــــــــــــــــــــــــــــــــــــــــــــــــــــــــــــــــــــــــــــ ليا عيوب كثيره بس إلي ينشغل بنفسو ينسى غيرو أحب النصيحة دائما طبعا بأسلوب حلو..أسلوب حلو (هيا لا أحد ينسى). ماهر انسان مفضفض بشكل عام و إلي في قلبو على لسانو.( أستحملوه) عشان كدة اكثر الناس يكرهووووه لأن صريح (((الصراحة راحة بالرغم من إنها وقااااحة))) الي عندو مشكلة في اني صريح أقول له معليش اتعود..هذا انا ــــــــــــــــــــــــــــــــــــــــــــــــــــــــــــــــــ ماهر عندو شوية غموض..طبعا كسوول شويه. أحب النظام.. نظامي بس بطريقتي الخاصة وللظروره أحكام..على فكرة رغباتي من الظرورات فلازم القوانين العالمية تعذرني على مخالفاتي (هههه عيني قوية ^_^) ــــــــــــــــــــــــــــــــــــــــــــــــــــــــــــــــــــ قلمي أوفى صديق و أصدق إحساس أكتب نثر و خواطر. ماهر فاااااشل وعندو أفكار لإختراعات..انسان متناقض رياضي أعشق النوم و أحب الإتقان ـــــــــــــــــــــــــــــــــــــــــــــــــــــــــــــــــــ أموت على الشتاء و الظلام وأحب نهار الشتاء فقط طبعا أحب أخرج في نهار الشتاء أما الفصول الأخرى للأٍسف في سوء تفاهم بيننا في النهار.... بكون فيها زي الخفاش فقط ليلي. ـــــــــــــــــــــــــــــــــــــــــــــــــــــــــــــــــــــــــــــ منتقد بهدف التغيير للأفضل. أكرررررررررره المتخلفين لمن أكون متخلف أكره نفسي. طبعا ضد المشاكل و البلاوي. أحب الحياة الهادئة لأني هاادئ ــــــــــــــــــــــــــــــــــــــــــــــــــــــــــــــــ ما أحب الإصطناع..مؤمن بأن الحياة حقيقية وليست مسرحية لكن أحياناً لازم من التمثيل.. للأسف يا ناااااس ماهر طلع عصبي طبعاً أعصب بسرعة وأهدء بسرعة.. ( يلا أفرحو) ـــــــــــــــــــــــــــــــــــــــــــــــــــــــــــــــــــــ أممم أيش باقي يا ربي خلاص كدة كفاية عليكم مو باقي إلا إني أقول لكم أسم أمي وأيش تحب تاكل (أمزح لا أحد يزعل) الله يطول بعمرها ويحفظها ويحفظ كل من تحبون يا رب آمين وبس هذا أنا. وللمزيد من التفاصيل الرجاء التعرف عليا أكثر. [تم تعريف ماهر ولله الحمد] بقلم الكاتب ماهر ((( حقوق النشر محفوظة ))) صفحتي الخاصة بإسم حبري و الورق http://www.facebook.com/pages/%D8%AD%D8%A8%D8%B1%D9%8A-%D9%88-%D8%A7%D9%84%D9%88%D8%B1%D9%82/114149788666580?sk=wall&filter=2